عالم النساء: شباكيتي لهشيشة بلخميرة البلدية "بالصور"

شباكية هشيشة - شباكية شميشة - شباكية هشيشة

من الاخت لطيفة

اخواتي عواشر مبروكة ورمضان كريم انشاء الله يدخل علينا بالصحة وستر وراحة البال وبالنجاح والتوفيق لجميع وليدات المسلمين

المقادير كالتالي حسب الترتيب تعمليهم في القصعة

2 زلايف خميرة بلدية ضرورية جدا

زلافة زبدة +كاس زيت

خمارة حمراء

كاس الا ربع خل

زلافة جنجلان محمر ومطحون

شوية نافع مطحون ومغربل 2معالق+ملعقة صغيرة قرفة

زلافة صغير لوز مقلي وطحون مزيان

شوية ملون وزعفران شعرة

2بيضات

نصف كاس ماء زهر انا عملت كاس عامر

فرينة حسب الخليط

الطريقة

حطي المقادير بالتتابع وفي الاخير اضيفي الفرينة حتى تجمع تبقاي تدلكي وانتي تزيدي الفورص شوية بشوية حيث ضروري لعجينة تكون قاسحة ..

عمليها كويرات صغار باش ميعدبوكش في التوراق حيث العجين قاصح كما دكرت

والتتمة تشرحا الصور انشاء الله

شباكيتي لهشيشة بلخميرة البلدية "بالصور"